Шымкент қаласы білім басқармасына қарасты №126 «Айнатас» негізгі орта мектебінде «Адал азамат» біртұтас тәрбие бағдарламасы аясында «Қыз тәрбиесі-ұлт тәрбиесі» атты «Инабат» қыздар ұйымының тәрбиелік кездесуі ұйымдастырылды.

 Кездесу барысында қыз балалардың әдептілігі, мәдениеті, кітап оқуға қызығушылығы, үлкенді сыйлау, кішіге қамқор болу, өзін-өзі ұстау мәдениеті мен ұлттық құндылықтарды дәріптеу жөнінде тағылымды әңгімелер айтылды.

 Мақсаты: қыз балалардың бойына әдептілік пен инабаттылық қасиеттерін қалыптастыру, ұлттық тәрбиені дәріптеу, білімге, кітап оқуға деген қызығушылығын арттыру.

 22 қыркүйек күні мектебімізде 2–8 сынып оқушылары арасында «Зерде» республикалық зерттеу жобалары мен шығармашылық жұмыстар байқауының мектепішілік кезеңі өткізілді.

Байқаудың мақсаты – оқушылардың зерттеушілік қабілетін дамыту, ғылыми ізденіске қызығушылығын арттыру, шығармашылық ойлауын қалыптастыру және өз жобаларын қорғау дағдыларын жетілдіру.

Оқушылар «Қоғамдық-гуманитарлық» және «Жаратылыстану-математикалық» бағыттары бойынша өздерінің ғылыми-зерттеу жұмыстарын таныстырып, білімдері мен ізденістерін ортаға салды.

 Байқау нәтижесінде бірқатар оқушылар жүлделі орындарға ие болды:

 Асанов Даниал – 2 «Б» сынып, қоғамдық-гуманитарлық бағыт – І орын

 Асан Айша – 4 «А» сынып, қоғамдық-гуманитарлық бағыт – І орын

 Қали Амина – 6 «Б» сынып, қоғамдық-гуманитарлық бағыт – І орын

 Маматқұл Каусар – 8 «А» сынып, жаратылыстану-математикалық бағыт – І орын

 Сағындық Ақнұр – 8 «А» сынып, қоғамдық-гуманитарлық бағыт – І орын

 Барлық қатысушыларды және жетекші ұстаздарды құттықтаймыз!

 �https://www.facebook.com/share/r/19d78HfHt8/

Шымкент қаласы Білім басқармасына қарасты №126 «Айнатас» негізгі орта мектебінде 6 "А" сынып оқушы қыздарының ұйымдастыруымен «Өрілген шаш – қыздың көркі» челленджі өтті.

Оқушы қыздарымыз ұлттық дәстүрімізге сай әдемі шаш үлгілерін көрсетіп, қыз балаға тән нәзіктік пен ұқыптылықты, инабаттылықты дәріптеді.

Қазақ қызының ажары – ұзын бұрымында, әдебі – өрілген шашында.

Әсемдік – әдептен, көрік – ұқыптылықтан.

https://www.facebook.com/share/r/1Eim2cN3G9/

Шымкент қаласы Білім басқармасына қарасты №126 «Айнатас» негізгі орта мектебінде 7–9 сынып оқушыларының ұйымдастыруымен кітап оқуды насихаттау, білімге деген қызығушылықты арттыру мақсатында танымдық іс-шара ұйымдастырылды.

 Апта дәйексөзі:

«Ақырын жүріп, анық бас, еңбегің кетпес далаға!»

 Кітап оқу — білімге бастар дара жол!

Әр оқылған кітап — сананы байытар жаңа ой,

Әрбір жаңа бет — болашаққа бастар нық қадам.

Кітаппен дос болған ұрпақ — білімді, талапты,

ел болашағына үлес қосар саналы азамат!

 Кітап оқы — ойыңды өсір,

Білім жина — биікке жет!

ӘДІЛЕТТІ ҚАЗАҚСТАН

АДАЛ АЗАМАТ

ОЗЫҚ ОЙЛЫ ҰЛТ

 Ұлттық бірегейлік

 Қоғамға қызмет

 Талап

https://www.facebook.com/share/v/1Dt86DAQ68/

3-апта дәйексөзі: Ақырын жүріп анық бас, еңбегің кетпес далаға! (Абай)  2026 жылғы 18 －қыркүйекте «Еңбегі адал  жас өрен» жобасы аясында 8-сынып оқушыларымен «Мамандықтар әлемі» тақырыбында сынып сағаты өткізілді.Басты мақсаты — оқушылардың заманауи мамандықтар туралы түсінігін кеңейтіп, өз қабілеттері мен қызығушылықтарын ескере отырып, болашақ кәсіпті саналы түрде таңдауға бағыт-бағдар беру.

 Еңбек нарығындағы сұранысқа ие заманауи және болашақ мамандықтар (IT, биотехнология, креативті индустрия т.б.) туралы ақпарат беру;

 Түрлі кәсіп иелеріне қойылатын талаптар, қажетті білім мен дағдылар жүйесін түсіндіру.

 Оқушылардың өзін-өзі тану, өз бойындағы бейімділіктер мен мықты тараптарды сараптау қабілетін дамыту;

 Сыни ойлау, коммуникациялық дағдылар және өз пікірін ашық айту қабілетін жетілдіру;

 Өз бетінше шешім қабылдау мен мақсат қоя білу дағдыларын қалыптастыру.

 Кез келген адал еңбек пен кәсіп иесіне құрметпен қарауға тәрбиелеу;

Ұстаздық – жүрек жылуын, мейірім мен үлкен жауапкершілікті талап ететін қасиетті мамандық.

Алда келе жатқан Ұстаздар күні – барша ұстаз еңбегін бағалап, жүрекжарды алғысымызды білдіретін ерекше мереке.

Бір шаңырақ астында еңбек етіп, білім мен тәрбие жолында бірге тер төгіп жүрген әріптестеріме зор алғыс!

 Мектебіміздің көркеюіне қосқан әрбір еңбегіміз – ортақ жеңісіміз.

 Еңбегіміз еленіп, абыройымыз асқақтай берсін!

 Ұстаздық жолымыз шабытқа, қуанышқа және шәкірт жетістігіне толы болсын!

Келе жатқан Ұстаздар күні құтты болсын, аяулы әріптестер!

https://www.facebook.com/share/r/1DENKL7T2D/

 «Таза Қазақстан: Конституция құндылықтары – экологиялық мәдениет пен жауапкершіліктің негізі» тақырыбында Шымкент қаласы білім басқармасына қарасты №126 «Айнатас» негізі орта мектебі коммуналдық  мемлекеттік  мекемесінде жаңа 2026–2027 оқу жылына арналған салтанатты жиын өтті.

 Жаңа оқу жылының алғашқы қоңырауымен басталған тағылымды іс-шараға мектебіміздің 1 және 9-сынып оқушылары қатысып, білім әлеміне қадам басқан бүлдіршіндер мен мектеп бітіруші түлектер үшін ерекше әсерлі сәттерге толы болды.

 Іс-шара барысында Конституциялық құндылықтар, қоршаған ортаны қорғау, экологиялық мәдениет пен азаматтық жауапкершілік тақырыптарына ерекше мән берілді. Жас ұрпақты табиғатты аялауға, туған жерге жанашырлықпен қарауға және ел болашағына жауапкершілікпен қарауға үндейтін тағылымды ойлар айтылды.

 1-сынып оқушылары үшін мектеп табалдырығын алғаш аттаған бұл күн — білімге бастар жарқын жолдың бастауы болса, 9-сынып оқушылары үшін — үлкен өмірге қадам басар жауапты кезеңнің айшықты сәті.

 Жаңа оқу жылы барша ұстаздарымызға шығармашылық табыс, оқушыларымызға биік белестер мен толағай жетістіктер әкелсін! 

Әр шаңыраққа қуаныш, әр жүрекке білімге деген құштарлық, мектебімізге жаңа жеңістер тілейміз!

https://www.facebook.com/share/p/1BwifGCJka/

01.06.2026 ж

1 маусым – Балаларды қорғау күніне орай мектебімізде мерекелік концерттік бағдарлама ұйымдастырылып, оқушыларға көтеріңкі көңіл-күй мен ұмытылмас әсер сыйлады. Балалардың шат күлкісі, әсем әндер, қызықты өнер көрсетулер мен мерекелік атмосфера бұл күнді ерекше әрі жарқын етті.

Сонымен қатар, мереке аясында оқушыларға тегін балмұздақ таратылып, балалардың қуанышы еселене түсті. Бұл тәтті сый балаларға ерекше көңіл-күй сыйлап, мерекені одан әрі әсерлі етті.

Жазғы лагерь – балалардың бос уақытын тиімді өткізіп, шығармашылық қабілеттерін дамытып, жаңа достар тауып, қызықты сәттерге толы демалыс өткізуіне арналған тамаша мүмкіндік.

Мақсаты:

Оқушыларға ата мен ананың өмірдегі орны мен тәрбиелік мәнін түсіндіру, атадан қалған өсиет пен анадан дарыған қасиеттің маңызын ұғындыру. Ұлттық құндылықтарды құрметтеуге, үлкенді сыйлауға, ата-анаға деген сүйіспеншілік пен алғыс сезімін қалыптастыру. Адамгершілікке, ізгілікке, имандылыққа тәрбиелеу. #Адал_азамат